16 მაისს გიმნაზიის ორგანიზებით ჩატარდა ინტელექტუალური კონკურსი - გუნდური ჭიდილი ქართულსა და მათემატიკაში - „ვკითხულობ, ვაზროვნებ, ვანგარიშობ, ვმეგობრობ“. პროექტი დაფინანსდა ქალაქ გორის მერიის მიერ და მასში მონაწილეობა გიმნაზიელებთან ერთად გორის საჯარო სკოლების მოსწავლეებმა მიიღეს. პროქტი მომზადდა გიმნაზიის მათემატიკისა და სახელმწიფო ენის კათედრების მიერ.
მე-3-მე-6 კლასების 230-მდე მოსწავლე დამკვირვებლების ზედამხედველობით 2-2 საათის განმავლობაში ასრულებდნენ დავალებებს ქართულსა და მათემატიკაში. გიმნაზიისა და მოწვეული სკოლების მასწავლებლები უკვე შეუდგნენ გუნდების ნაშრომების გასწორებას.
გამარჯვებული გუნდების გამოვლენის შემდეგ გაიმართება საზეიმო დაჯილდოება.
