11 ივნისს, გიმნაზიაში, ქალაქ გორის მერიის მიერ თანადაფინანსებული პროექტის -„ვკითხულობ, ვაზროვნებ, ვანგარიშობ, ვმეგობრობ“ - გამარჯვებულთა დაჯილდოება გაიმართა. პროექტშის ფარგლებში გამართულ გუნდურ ჭიდილში ქართულსა და მათემატიკაში გიმნაზიელებთან ერთად ქ. გორის 11 საჯარო სკოლის 44 გუნდი მონაწილეობდა. დაჯილდოების ღონისძიების მონაწილეებს მიესალმნენ ქ.გორის მერის მოადგილე ბატონი ნუკრი ჯოხაძე, გორის საგანმანათლებლო რესურსცენტრის უფროსი ბატონი ზურაბ ქარელი, საჯარო სკოლების დირექტორები და მასწავლებლები. გიმნაზიის წარმომადგენლებმა წარმატებულ მოსწავლეებს სიგელებთან ერთად ინდივიდუალური საჩუქრები გადასცეს, პირველ ადგილზე გასულ გუნდებმა კი ციფრული ფოტოკამერები დაიმსახურეს. სტუმრების წინაშე გიმნაზიელები მუსიკალური და ქორეოგრაფიული ნომრებით წარდგნენ. დასასრულს, გიმნაზიის დირექტორმა მამა ბორისმა პროექტის მონაწილენი და ხელშემწყობნი დალოცა წარმატება უსურვა.
ვუსურვებთ ჩვენს მოზარდებს არაერთი გამარჯვება მოეპოვებინოთ ცოდნითა და ერთობით!
