საქართველოს თანამედროვე ხუთჭიდისა და ტრიატლონის ფედერაციის ორგანიზებით გაიმართა 2015 წლის საქართველოს ჩემპიონატი ბიატლსა და ტრიატლში „ლისის ტბა“. 20-21 აგვისტოს 100-მდე მონაწილე ჩაერთო შეჯიბრში სხვადასხვა ასაკობრივი ჯგუფების მიხედვით. გიმნაზიის სპორტის მასწავლებელმა მარინე კახიაშვილმა ბიატლში (სირბილი და ცურვა) იასპარეზა და თავის ასაკობრივ ჯგუფში პირველობა დაიმსახურა. ამ შეჯიბრს მსოფლიო ჩემპიონატის მოსამზადებელი საკვალიფიკაციო მნიშვნელობა ჰქონდა, ამდენად მარინე კახიაშვილმა სექტემბერში, ქ. ბათუმში დაგეგმილ მსოფლიო ჩემპიონატში მონაწილეობის უფლება მოიპოვა.
ვულოცავთ მარინეს და ვუსურვებთ წარმატებას!
