8-11 თებერვალს გიმნაზიის უფროსკლასელი 16 მოსწავლე მონაწილეობდა ქ. გორის მერიის მოსწავლე-ახალგაზრდობის კულტურულ-საგანმანათლებლო ცენტრის მიერ ორგანიზებულ დავით აღმაშენებელისადმი მიძღვნილ კვირეულში. კვირეულის ფარგლებში მოსწავლეებმა მოისმინეს ისტორიკოს ელდარ მამისთვალაშვილის ლექცია, დაესწრნენ ლიტერატურულ გამოსვლებს, გაიარეს საკონკურსო ტესტირება. კონკურსის გამარჯვებულთა შორის გიმნაზიის წმ. მოციქულთა პეტრესი და პავლეს სახელობის მე-9 კლასის მოსწავლეები ნინო ბეგიაშვილი და საბა ხაჭაპურიძე არიან (ისტორიის მასწავლებელი ქეთევან პარასკევაშვილი). გამარჯვებულები კვირეულის დასკვნით ღონისძიებაზე სიგელებით, ფასიანი საჩუქრებითა და წიგნის მაღაზიის ვაუჩერით დააჯილდოვეს. ვულოცავთ გამარჯვებულებსა და მათ მასწავლებელს მიღწეულ წარმატებას!
