ღირსი მამა გიორგი მთაწმინდელის გორის სკოლა-გიმნაზია ყოველი სასწავლო წლის ბოლოს წარჩინებულ მოსწავლეებს წახალისების მიზნით აჯილდოებს სხვადასხვაგვარად.
დაწყებითი საფეხურის მოსწავლეებს გადაეცემათ მხატვრული ლიტერატურა და სხვა სამახსოვრო საჩუქრები, საბაზო-საშუალო საფეხურის მოსწავლეთათვის კი იგეგმება ექსკურსიები, როგორც ქვეყნის შიგნით, ასევე მის საზღვრებს გარეთ.
2024 წლის 9-10 სექტემბერს საბაზო-საშუალო საფეხურის მოსწავლეები სკოლა-გიმნაზიის აღმასრულებელ დირექტორ, დეკანოზ ბორისთან (ნიჩიპეროვიჩი) ერთად სომხეთში გაემგზავრნენ, სადაც მოინახულეს ახტალისა და ქობაირის ქართული ტაძრები, ლორეს ციხე, ერევანი, ეჩმიაძინი, ზვარტნოცი, სევანის ტბა. მოსწავლეებს მომზადებული ჰქონდათ და წარადგინეს ინფორმაცია თითოეული ისტორიული ძეგლის შესახებ.
