2024 წლის 27 ოქტომბერს ღირსი მამა გიორგი მთაწმინდელის გორის სკოლა-გიმნაზიაში საქართველოს საპატრიარქოს საეკლესიო გალობის სასწავლო-კვლევითი ცენტრის სპეციალისტების მიერ გორისა და ატენის ეპარქიის მგალობელთა გუნდებისთვის მოსმენა-მასტერკლასები ჩატარდა.
გორისა და ატენის მიტროპოლიტ ანდრიას კურთხევით, სხვა გუნდებთან ერთად, მასტერკლასებს დაესწრნენ ღირსი მამა გიორგი მთაწმინდელის სახელობის ტაძრის მგალობლები სკოლა-გიმნაზიის მოსწავლეთა და კურსდამთავრებულთა გუნდებიდან (რეგენტი ლელა მერაბიშვილი).
ბატონ მალხაზ ერქვანიძის მიერ ჩატარებულ მასტერკლასზე განიხილეს მგალობელთა გუნდების რეპერტუარი; ყურადღება გამახვილდა საშემსრულებლო ოსტატობაზე, გალობის მანერაზე. მგალობლებმა მიიღეს მათთვის საინტერესო და სასარგებლო რეკომენდაციები. მასტერკლასებში სკოლა-გიმნაზიის მოსწავლეებთან ერთად მუსიკის მასწავლებლებიც მონაწილეობდნენ.
