გეოგრაფიის მასწავლებელმა ლელა ყეინაშვილმა მეშვიდეკლასელებთან ჩაატარა სასწავლო წლის ბოლოს შემაჯამებელი გაკვეთილი აფრიკის თემაზე,
რომლის მიზანი გახლდათ აფრიკისთვის დამახასიათებელი საზოგადოებრივ-გეოგრაფიული პროცესების (კოლონიზაცია) მიზეზებისა და შედეგების გაანალიზება, აგრეთვე აფრიკისთვის დამახასიათებელი მდგრადი განვითარების პრობლემების ანალიზი, მათზე რეაგირებისა და პრევენციისთვის საჭირო ღონისძიებების მნიშვნელობის გააზრება. მოსწავლეებმა აფრიკის შესახებ დაამზადეს მაკეტები, პლაკატები, პროექტები, ვიდეორგოლები, ჩაცმულობით განასახიერეს აფრიკის მოსახლეობა (სიმულაცია) და კოლონიური სახელმწიფოების წარმომადგენლები, შექმნეს ელექტრონული წიგნი.
