პირველ მარტს გაიმართა რა? სად? როდის? _ მორიგი თამაში. ღირსი იოანე ათონელის სახელობის II კლასის მოსწავლეებმა, გაზაფხულის სერიის პირველი თამაში წარმატებით ჩაატარეს. ნინო რაზმაძის, მარიამ შატაკიშვილისa და თამარ ჯავახიშვილის გუნდებმა დამაჯერებელი ანგარიშით მოუგეს მაყურებელს. საუკეთერსო მოთამაშედ დასახელდა ერთ-ერთი გუნდის კაპიტანი _ ნინო რაზმაძე. 

23 თებერვალს წმ. ეპისკოპოას ალექსანდრეს სახელობის მე-4 კლასი (დამრიგებელი მარინე კაპანაძე) თბილისში გაემგზავრა  ეროვნული ფასეულობების გაცნობის მიზნით - ნიკო ფიროსმანის, ლადო გუდიაშვილისა და დავით კაკაბაძის ექსპოზიციის დასათვალიერებლად. სახვითი და გამოყენებითი ხელოვნების მასწავლებელმა ალექსანდრე ფსუტურმა მოსწავლეებს გააცნო შემოქმედთა ბიოგრაფია, თითოეული მხატვრის ხელწერა, ესაუბრა ფერთა გამაზე და თითოეული ნახატის ფასეულობაზე. ამავე დღეს მეოთხეკლასელები მოილოცეს წმ. ალექსანდრე ნეველის სახელობის ტაძარი, დაესწრნენ კოტე მარჯანიშვილის სახელობის სახელმწიფო დრამატულ თეატრში სპექტაკლს „თოვლის დედოფალი“ და შინ აღფრთოვანებულები დაბრუნდნენ.

25 თებერვალს ღირსი ექვთიმე ათონელის სახელობის მე-5 კლასში ჩატარდა  ინგლისური ენისა და სახვითი და გამოყენებითი ხელოვნების ინტეგრირებული გაკვეთილი (მასწავლებლები ია ნაროზაშვილი და მარიამ სანადირაძე). გაკვეთილზე, რომლის თემა იყო ეგვიპტე (Egypt), მასწავლებლებმა მოსწავლეებს გააცნეს ძველი ეგვიპტური კულტურა, მოსწავლეებმა ისაუბრეს ეგვიპტის ცნობილ ნაგებობებზე, ქანდაკებებზე, მხატვრობაზე. ციფრული ტექნოლოგიების გამოყენებით უცხო ენაზე ჩატარებული  გაკვეთილი განაპირობებს მოსწავლეთა ინტერესის ზრდას  როგორც საგაკვეთილო საკითხის, ასევე უცხო ენის შესწავლის მიმართაც.

პროექტის ხელმძღვანელი:  თეა გოგიჩაიშვილი (ქართული ენისა და ლიტერატურის მასწავლებელი )

პროექტის განხორციელების დრო: 30.10.2011-31.05.2013

პროექტის განხორციელების ადგილი:  ა(ა)იპ ღირსი მამა გიორგი მთაწმინდელის გორის გიმნაზია

პროექტის მონაწილენი:  ღირსი მამა გიორგი მთაწმინდელის  გორის გიმნაზიის მოსწავლეები, მასწავლებლები, მშობლები, თანამშრომლები.

მიზანი: მასწავლებლებში, მოსწავლეებსა და მშობლებში ქველი საქმის წახალისება და ხელშეწყობა;