28  თებერვალს, წმ. ნიკოლოზის სახელობის მე-6 კლასში ჩატარდა ინტეგრირებული გაკვეთილი თემაზე „ადამიანი და ბუნება“.  მოსწავლეებმა აღნიშნული საკითხი ორი საგნის - ქართულისა და ბუნებისმეტყველების ჭრილიდან განიხილეს (მასწავლებლები: მანანა კაკაურიძე და თეა ნონიკაშვილი). მათ ისაუბრეს ადამიანისა და ბუნების ურთიერთობაზე, ადამიანის დამოკიდებულებაზე ბუნებისადმი და ზოგადად ადამიანის  დანიშნულებაზე.  გაკვეთილის ბოლოს მოსწავლეებმა გააკეთეს დასკვნა ადამიანის მოვალეობაზე ბუნების წინაშე, გაიხსენეს უწმინდესისა და უნეტარესის ილია II-ის ქადაგება და გამოთქვეს სურვილი, რომ ჩაერთონ პროექტში „დარგე ხე, გაუფრთხილდი გარემოს“.